Бастауыш сынып кітаптарын дұрыс жасамаған. Бір жүйеге келтіру керек. Тарихты оқытуда қазақ батырларына көп көңіл болу керек. Қазақ хандарын ашық сипаттап жазу керек. Әр баланың бойындағы өнер, дарындық, жақсы қасиетін дамыту керек.

Еліміздің білім саласында қолға алынатын, қадағалауды керек ететін мәселелер жетерлік. Бастысы – бізде жапондікіндей не финляндиялыққы ұқсас жүйе болуы керек. Тым әсершіл, ерме халықпыз. Еуропаға еліктей беруден ұтқанымыз шамалы. Ұсыныстарым:
- Жаңа қазақстандық кадрларымыз, жоғарғы оқы орнының қай факультетінде болсын, ең бастысы өз ұлтының тілін терең меңгеруі тиісті: сауаттылық, өз ойын дұрыс талдап жеткізу шеберлігі, өз саласының терминдерін жете білу.
- Қай саланың білімді маманы да оқудың соңғы жылында жоғарыдағы талаптарды меңгеруі бойынша өз саласында бір жыл не алты ай тағылымдамадан өтуі керек (медициналық оқу орындарындай). Диплом содан кейін берілгені дұрыс.

Еліміздің білім саласына тек білімділер жиналса жақсы болар еді. Жоғарғы оқу орны тегін оқытылса, ауылдық жерлердегі балалардың оқуға түсу мүмкіндігі артатын еді

Білім саласында жүйелілік болу керек. Ғылымды дамыту керек. Оқулықтарды ғалыммен бірге мұғалімдік тәжіребесі бар мамандар бірігіп жазу керек.

Орыс немесе аралас мектептерді жауып қазақ тілді бір мектепке көшіретін уақыт келді. Балтық елдері, Кавказ елдері өз тілдерін сақтап келеді. Қазақ ұлтына да өз ұлтымызды сақтайтын кезең келді.

Бұрынғы кездегі бағалаудың емтихан жүйесі жақсы еді. Қазіргі тестілеу жүйесі – дұрыс емес. Берілген жауаптардың біреуі дұрыс болғандықтан, кездейсоқ таңдау арқылы білімсіз адамдар жоғары баға алып кетуі мүмкін.