Өнер саласын реттейтін заңнама талаптарын қайта қараған абзал. Репертуарды саясатқа мән берген жөн. Мағынасыз әндерді, салт-дәстүрімізге жат әрекеттерді насихаттайтын каналдарды, бағдарламаларды жаптыру керек. Фонограммамен бәрі жұлдыз боп алды, фонограмманы реттейтін заңнама шығарған дұрыс деп есептеймін. Сахна мәдениетін сақтамағандарды жазалайтын заңнама тағы жоқ, халықтан өтірік кешірім сұрап, әнін айтып жүре береді.

Жаңа әндерге қойылатын талап, тексеріс жоқ. Бұрын әнді радиода шығару үшін, ол ән белгілі ақындар, белгілі композиторлар тексеруінен өтетін, тек сол тексерулерден өткен соң елге тарайтын. Қазір ақшаң болса, сенің әнің радиода да, телевизорда, интернетте де шырқалып жатады.

Біздің елде өнерге жақсы көңіл бөлінеді – тек рақмет айтамын.