Бір өзіңсің – маңдайдағы жұлдызым,

Баға жетпес жағадағы құндызым.

Ұзатылып, жат жұрттық боп барасың,

Жел тигізбей мәпелеген гүл-қызым.

Қайырмасы:

Аққуым ең аяулы,

Ұшасың сен ұяңнан.

Ел-жұртының қимасы,

Бақыт тапшы қиядан.

Қазағымның асыл дәстүр-салты бар,

Қырық үйден тыйым салған халқың бар.

Ұмытпашы төр сыйлаған әкеңді,

Әжең, анаң үйреткен жөн, қалпымды ал.

Қайырмасы

Аққудай боп өрнек салдың көлдегі,

Босағаңда қалсын еркін, еркелік.

Барған жерге судай сіңіп, тастай бат,

Жан жарыңды сыйлап өтші, көркемім.

Қайырмасы

Шаңырақта шаттық оты сөнбесін,

Жадырап жүр ақ ниетпен келгесін.

Жасы үлкеннің қадіріне жеткейсің,

Әр қадамда ойланбасаң - елге сын.

Қайырмасы