Өзіме аян, талай түн көз  ілмесім,

Сезілгесін мұң  құшам, сезінгенсін.

Қанаттылар тобымен түсімде ұшып,

Өлең  жазып отырам өңімде шын...

Жалқының  да болады бақ- баяны.

Жан ауыртқан күндерді жас шаяды.

Аспантаудың бауыры өмір- өзен,

Өмір - өзен... өзегі тастай әлі.

Тастай әлі, жылытам қалай оны?

Қажай берсек көңіл де қараяды.

Арызданып арманнан не сұрайын?!

Маңдайымда жазулы бар аяны.

Белгісіз алда қанша дауыл бары,

Білмеймін, қанша жауар жауындары.

Түбі бар тәуекелдің, не түбі жоқ,

Жылытқаны жырымның сауырлары...