Наурыз келді даламды жасандырып,

Жыл басталды қасиетімен таң да күліп.

Маңғыстау сан айшықпен тербеледі,

Гиннестің рекордымен таң қалдырып.

Кимешек қасиетімен биік бағам,

Аталар батасымен бақыт табам.

Ер көңіл азаматым нардың жүгін

Көтеріп, сан ғасырлар өскен санам!

Алашта атым асқан асқаралы,

Салтымды ұлықтаумен асқақ әнім.

Тәңірім бар пейілімен мейірленсе,

Нұр төгіп жанарымнан жас тамады.

Қыздарым неткен сәнді, көркем еді,

Кестелі әшекеймен мәнді, зерлі.

Келісті келіндерім тізе бүгіп,

Шаңыраққа сәлем салып, сән береді.

Абырой орнады кеп маң далама,

Маңғыстау! Атың озып, таң қалдыра.

Әлемді бүгін тағы жалт қараттың,

Бас ием қасиетіңе жанға дауа!