№ | Авторлар тізімі | Авторлықтың түрі | ||
Сөзінің авторы | Музыкасының авторы | |||
1 | 2 | 3 | 4 | |
1. | Алтынбек Қоразбаев | |||
2. | Исраил Сапарбай |
Сен болмасаң бұл жалған,
Күнде уайым күнде арман,
Айналайын гүлім боп
Жүрегімде бүр жарған.
Сен болмасаң серігім,
Аялайды мені кім,
Ертелі кеш сен жаққа
Елеңдейді көңілім.
Қайырмасы:
Сен болмасаң тірегім,
Кімге жылап күлемін,
Жүрегімде тілегің
Алақанда жүремін.
Сенсіз мынау жалғанда,
Өтер ме едім арманда,
Елжірейсің, балқисың
Мен әніме салғанда.
Сен арқылы жарығым,
Бақытымды таныдым,
Екеуімізге бір ғұмыр
Бере көрші тәңірім.
Қайырмасы
Сен болмасаң аяулым,
Кімге құшақ жаямын,
Сағыныштың сазымен
Жүрегімде жазылған.
Сен болмасаң жанымда,
Жайқалмайды бағымда,
Менің ғазиз тағдырым
Сенің ғана жолыңда.
Қайырмасы