Асыл болса, тас та жерде жатпайды.

Кімге байлық, ал кімдерге бақ қайғы?

Туған жерде жалаң аяқ жүрсең де,

Тікені оның табаныңа батпайды.

О-оу, батпайды.

А-а-а, А-а-а. Туған жерде батпайды, батпайды.

Асыл болса, тас та жерде жатпайды.

Кімге атақ, ал кімдерге тақ қайғы?

Туған жерде жалғыз-жарым жүрсең де,

Ең қабаған иті де оның қаппайды.

О-оу, қаппайды.

А-а-а, А-а-а. Туған жерде қаппайды, қаппайды.

Асыл болса, тас та жерде жатпайды.

Кімдер кімді мақтайды да даттайды?

Қыл көпірден өтер болсаң егер де,

Туған жердің рухы өзі сақтайды.

О-оу, сақтайды.

А-а-а, А-а-а. Туған жердің сақтайды, сақтайды.

Асыл болса, тас та жерде жатпайды.

Өзін білмей кім-кімге мін тақпайды?

Қателік пен кемдігіңді кешірген

Туған елің сені ешқашан сатпайды.

О-оу, сатпайды.

А-а-а, А-а-а. Туған елің сатпайды, сатпайды.

Асыл болса, тас та жерде жатпайды.

Су ақпаған жерден су да ақпайды.

Қайда жүрсе қасиетіңе бас иген

Бұл перзентің қарызыңды ақтайды…

О-оу, ақтайды.

А-а-а, А-а-а. Бұл перзентің ақтайды, ақтайды…