Жүрегімнің хақ төрінен орын алған мекенім,

Жаркентім, жарқын болсын болашағың, ертеңің.

Қасиетті ана тілдің мәртебесін көтерген,

Рухы биік ел-жұртымды сүйіп, тағзым етемін.

Қайырмасы:

Жаркентім, Жаркентім,

Қасиетті мекенім,

Рухы биік ел-жұртымды сүйіп,

Тағзым етемін.

Туған өлкем, тау көрінер

Әрбір шоқың мен үшін,

Бұл ғаламнан дәл өзіңдей

Жер шұрайын таппадым.

Байтақ далам, ұл-қызыңды  бала құстай баптадың,

Тамыр алып мен өзіңнен жаңа өмірге аттадым.

Туған өлкем, тау көрінер әрбір шоқың мен үшін,

Бұл ғаламнан дәл өзіңдей жер шұрайын таппадым.

Қайырмасы

Тарихымнан сыр шертетін жерім дархан еңселі,

Таңғалдырар шаһарыма артар үміт, ел сенім.

Жетісудың бір уығы, мықты болсын керегең,

Шаңырағыңды биіктетіп, мақтан етем мен сені.

Қайырмасы