Аспандай көгілдір,

Елімнің жалауы.

Күні тұр төгіп нұр,

Жалындап алауы.

Азаттық аңсаған,

Елге бұл шапағат.

Мәңгілік жасаған,

Бұл елдік махаббат.

Қайырмасы:

Көк туым киелі –

Тұғыры құрыштан.

Бейбіт күн тиегі –

Көп елмен ұғысқан.

Ұстайды, сүйеді,

Шығармай уыстан.

Осы ту астында,

Топтасқан халықпыз.

Тосын бір тасқынға,

Бой бермес алыппыз.

Намысшыл тегіміз,

Өркенді ел ері біз.

Әлемге танылған,

Астана төріміз.

Гүлденген, түрленген,

Жерімді көріңіз.

Байрағым – айғағы,

Елдіктің, ерліктің.

Қыраны айбарлы,

Еркіндік, өрліктің.

Күн сынды өрдегі,

Жүрекке құйып нұр.

Жалтылдап өрнегі,

Асқақтап биік тұр.

Қайырмасы

Тәуелсіз қазақтың,

Ұл-қызын тербеткен.

Отаным ғажап тым,

Бақ-құтын селдеткен.

Жібек жіп туымды,

Тұнық көк төсіндей.

Биікке көтерем,

Төменге түсірмей.

Қайырмасы