Көруге көздер ашық, сезуге көңіл ояу,
Түнімен ұйқы қашып, қалғанда таңға таяу.
Ақырын есікті ашып, төменге түстім баяу,
Асықпай анық басып, көшеге шықтым жаяу.

Қайырмасы:
Ооо қала, ол - біздің әсем қала,
Төзімге тағат барма, өмірлік сұрақтарға,
Өзімде жауап барма? 
Ооо қала, ол - біздің ару қала,
Cөзіме үн қатпаған, жәй күйін жұмбақ маған,
Сырымды кімге ақтарам?

Оянды ерте қала, асығып суыт жандар,
Тыныққан ой мен сана, жүгіріп шыныққандар.
Оянды ерте кұстар, және де терек талдар,
Оятты біреулерді, тірлік пен себеп-салдар.

Қайырмасы

Шамдардай жағылысқан, сандардай жаңылысқан,
Қозғалып әрлі - берлі, көліктер ағылысқан.
Сендердей соғылысқан, шамдардай сағынысқан,
Жан -жаққа бара жатыр, адамдар сабылысқан.

Қайырмасы