Ойы өрісті, деңгейі абыз дерді,

Абылай хан ұнатқан нағыз ерді.

Қайсар, өжет төлеңгіт өрендері,

Болса да ұлық, кіші еді - жаны зерлі.

Қорғағанда байтақ жер әр төбесін,

Дұшпанына қаһарлы кәр төгетін.

Қарамен де, ханмен де тіл табысқан,

Жоғары ұстап кісілік мәртебесін.

Қайырмасы:

Бекзаттық болмысымен,

Кісілік оңды ісімен,

Қайсарлы айбатымен,

Қажырлы қайратымен,

Туына Жаназардың,

Құтына Өмірзақтың,

Жиылған қас батырлар

Бірлесіп ен даланың

Қорғаған әр түндігін,

Сақтаған ел бірлігін

Ел ері атанғандар –

Ержүрек қаһармандар!

Шықса айқасқа Жаназар қайсарланып,

Суық қабақ сұсынып тайсалды анық.

Тайғақ жолдан соқпақты сүрінбейтін,

Ақылманы ер Өмірзақ жайсаң ұлық.

Қуат алған адами құт арнадан,

Шарболатты сауыты мұқалмаған,

Шұбартаудай елімнің ерлері бар,

Қыбын тауып еш батыр ұта алмаған.

Қайырмасы