Телегей жыр тұнып тереңнен,

Бір әуен жанымды тербейді.

Сен болып үміттер белеңнен,

Бақытқа апарам ер дейді.

Қайырмасы:

Бар әлем сен болып тұрғандай,

Сіңдіріп бойыма жақсысын.

Ақ көңіл,

Ақ жарқын,

Ақ маңдай,

Тек сені сүйемін ақ құсым.

Таң атты күмбірлей үн қатып,

Құбылтып көңілдің базарын.

Сен болып барады күн батып,

Енгізіп өмірдің ажарын.

Қайырмасы

Сен болып құстар ән салады,

Жібермей қорғаштап мұңдарға.

Ақ сезім қанатын тарады,

Қыран жыр қол бұлғап шыңдарға.

Қайырмасы

Арай нұр шапағат шашқандай,

Алаулап кел еркем, құшайын.

Ұсынам қолымды ал, жасқанбай,

Арманға сен болып ұшайын.

Қайырмасы

Батырып сырына тұңғиық,

Өзің боп биіктер кел дейді.

Кеудеме махаббат нұр құйып,

Ғашық жыр осы жан сен дейді.

Қайырмасы