Махаббаттың айтшы сен теңдесі не,

Жұпар шашқан осынау жер бетіне.

Серігімсің жанымды жадыратар,

Күлкі сенің жарасқан келбетіңе.

Қайырмасы:

Сен күлгенде кеудемде нұр тұнғандай,

Асау жүрек тынымсыз бұлқынғандай.

Топ ішінде көзге оттай басыласың,

Санап басып аяқты сылқымдардай.

Сенен басқа елемей өзге ешкімді,

Шын ғашықтар төзімнен сезбес мұңды.

Қиялымда қонақтап сендей ару,

Жүруші еді періштем кездестірді.

Қайырмасы

Байлық емес өзіңсің бағымда да шын,

Сүйген жүрек от болып жалындасын.

Қызғалдағым қырдағы бүршік жарған,

Аққуымсың сән берген қолымда шын.

Қайырмасы

Толық ашпас көркіңді шіркін өлең,

Хас сұлусың құлпырып, мың түлеген.

Келер жалдар сыйласын қуанышын,

Қарсы алайық әр таңды күлкіменен!

Қайырмасы