Қуанышпен түрген тойдың түндігін,

Мұнайшыға мерекелі күн бүгін.

Қазағымның ырысы мен байлығы

Маңғыстауда Бозащыда – қара маржан кіндігі!

Қайырмасы:

Қаражанбас

Қазынасын қазағыма сыйлаған,

Күш-қуаты тасып бойға сыймаған,

Жастарымды құшағына жинаған – Қаражанбас!

Болашаққа болат-құлаш сермеген,

Қиындықта қолдан намыс бермеген,

Ел алдында еңбегімен ерлеген – Қаражанбас!

Бүгін думан ән басталды өңірде,

Мұнай тойы нәр беретін өмірге.

Төр басында мұнайшылар ардагер,

Маң далада, маң далада ащы тері төгілген.

Қайырмасы

Қаражанбас – мақтанышы елімнің,

Байлығы мол ел  ертеңіне  сенімді.

Мұнай тойы – еңбек тойы, ел тойы,

Гүл жайнатқан шөліркеген жерімді.

Қайырмасы