Жан серігім, жан жолдасым – арысым,

Бір көргенде ғашық болған – жан сырым.

Ақ отаудың қабырғасын қаладық,

Аққу-қаздай көл бетіне жарастық.

Асылым – арысым,

Маған ғана көз қиығын тастадың.

Батырым – батылым,

Жаутаңдаған қара көзді жасығым.

Қорғаным – сұңқарым,

Бауыр басып еркелеткен ауылың.

Самалым – салмақтым,

Сабырлықты әрқашанда сақтадың.

Жүрегімнің алтын кілтін сен аштың,

Нәр гүлімді саған ғана арнадым.

Өмір-өзен толқып, өтіп барады,

Ақ қар жауып самайымыз ағарды.

Қымбаттым – сымбаттым,

Осы әнімді бір өзіңе сыйлаймын.

Берекем – мерекем,

О дүниеде от-суыңды кештім мен.

Аяулым – аңсарым,

Төкпей ұста алақанда ырысың...

Гүлбағым – базарым,

Асқанымды кешіре гөр – арысым.

Сырнайлатып сыр шертейін өзіңе,

Айтылмайтын сөз қалмайды өмірде.

Махаббатың сый құрметі осы екен,

Қол ұстасып бұл өмірде бірге өткен.

Ақ төрім – шаңырағым,

Бір өзің, – деп ақ күмістей шашылдым.

Құтты ұя, жылы ұя,

Құшақ жая қарсы алатын босаға!

Жайлауым – жайсаным,

Қиын күнде сүйеу болған жан-жарым.

Серігім – тірегім,

Ақ жолыма шашу тартқан тілегім.

Асылым – арысым,

Таң жұлдыздай жарқыраған жүрегің!