Қинадым қоштасқанда жанарыңды,

Мұң шалды-ау сол бір сәтте қабағымды.

Түбінен жүрегімнің тулап шығып,

Бір өксік жұлмалады тамағымды.

Қарақат көздеріңе қарай бердім,

Қызығы сол ма дедім дүниенің.

Күйдірер көлеңкеде өзегімді,

Махаббат неге сонша ыстық едің?

Қайырмасы:

Жұлдызым жарқыраған аспанымдағы сен,

Жарқ етіп жоқ болдың ғой қас қағымда.

Қас қағымда жарқыраған өзіңді қалай табам?

Жұлдызға жете алдым ба мен аңсаған,

Белгісіз жан, мен аңсаған белгісіз жан.

Бақтарды сен екеуміз аралаған,

Ұзатып тастап кеттің неге маған?

Жыл құсы секілденіп жылай ұшқан,

Жете алмай қала бердім жаным саған.

Сәулесі айдың түсіп аймалаған,

Көзіңді қарағым-ау қайдан табам.

Сүйгеннің сүйіктісі болатыңдай,

Бақытқа ие болар қандай адам?

Қайырмасы