Жапырақ жүрек жас қайың

Жанымды айырбастайын

Сен адам бола бастасаң

Мен кайың бола бастайын

Келісемісің жас қайың

Көрінер мүмкін кімге ерсі

Өміріңді маған бір берші

Дүрбелең мына дүниені

Қайың көзімен бір көрші

Қайың боп мен де бағайын

Орманнан орным табайын

Беймәлім маған өмірге

Қайың көзіммен қарайын

Сендағы жерден нәр алдың

Мендағы жерден нәр алдым

Біреуден сен де жаралдың

Біреуден мен де жаралдым

Тілі жоқ жансыз қайыңсың

Айырмашылығым адаммын

Сондықтан ұзақ жасарсың

Құрдасы келер заманның

Мендегі бары бір жүрек

Ол өлсе мәңгі кеткенім

Сендегі сенсе мың жүрек

Келгенде жасыл көктемің

Тірілер қайта дүркіреп

Бар-жоғы менде бір жүрек

Беріпті жүрек саған мың 

Сондықтан ұзақ жасарсың

Құрдасы келер заманның

Жапырақ жүрек жас қайың

Жанымызды айырбастайын

Адам боп тұрсаң қасқайып

Қайың боп тұрам қасқайып

Келісемісін жас қайың

Келісемісін жас қайың

Келісемісін жас қайың

Келісемісін жас қайың

Тәуекел айырбастайын

Өмірге өмір жалғасып

Аламыз жерге жармасып

Бірде адам бірде қайың боп

Сүрейік өмір алмасып