Ақкетік – түбегімнің нұр арайы,

Көрінер келбетінен көңіл жайы.

Каспийдің толқындары еркелеп кеп,

Жаны жаз жағалауды ұрғылайды.

Қайырмасы:

Ақкетік – бақ мекенім,

Сауықшыл шат мекенім.

Аңсаумен ынтық болып,

Алыстан мен жетемін.

Бар сенде өмір жыры,

Таусылмас көңіл сыры.

Өшпесін жүректерден

От ана, өмір күні! 

Ақкетік, көпке мәлім, атың дүр-ау,

Қырымнан қырық батыр рухы жүр-ау.

Түбектің бар тарихын бастап берген –

Асан мен Сыпыра абыз, Мұрын жырау. 

Қайырмасы

Маңғыстау – үш жүз алпыс әулие қолдар,

Батасы ерге қабыл, елге – қорған.

Ер Бекет әруағымен асқақтатар

Жаратқан жер киесі, биік тұлғаң.

Қайырмасы