Ауылға келсем, әкемнің иісі қарсы алып,

Тұрады мүңкіп жаныма беріп жан сауық.

Жусаны, қияқ, аршасы, құрақ көк майса

Жұпарын тағы жұтамын талмап, тамсанып.

Қайырмасы:

Ауылға келсем, қаламын жайнап, жайраңдап,

Жұмағым осы, қайтемін құрысын айды аңсап.

Бұлбұлдай ұшқан бір-бір ән салып бағымда,

Бала күндерім қайырылмай кеткен қайран шақ.

Ауылға келсем, арманға қолым жеткендей,

Жұлқынған жастық бұлқынып көзден өткендей.

Қол бұлғап қайта шақырғым келіп тұрады,

Жүгіріп шығып жауқазын терген көк белге.

Қайырмасы

Ауылға келсем, елжіреп еті жүректің,

Балқытып бойды баурайды жайлап бір екпін.

Дертіне дем сап, жүрегін емдеп, бой жазып,

Марқайып қайтсын жүрген де болса жүдеп кім.

Қайырмасы