Керегі қанша үлде мен маған бүлденің,

Біреудің қайтем бетіме қарап күлгенін.

Білмейді-ау маған ынтызар болған біреулер,

Менің де қолым бір саған жетпей жүргенін.

Алаулап атқан таңдардың бақыты болып самғар кім?

Өзіңе ғашық сезімді-ай жаным-ау жаңа аңғардым.

Өзіңе айтар жан сырым, ойлаған күнді арманым,

Жүректің ғашық сезімін ән қылып,

Ән қылып саған, ән қылып саған, ән қылып саған арнадым.

Арманы болып елестің өзіммен өзім кеңестім,

Шын сүйсем егер өзіңді-ай кінәлі оған емеспін.

Жүректі жұлып алардай өзіңді сүйсем сембес кім,

Сырымды айтып қалайын өмірге,

Өмірге екі, өмірге екі, өмірге екі келмеспін.  

Көңіл ме, әлде сезім бе берілген мәңгі адамға,

Махаббат оты өшпейді тіршілік мына ғаламда.

Жүректің ғашық сезімін, қол жетпес биік арманға,

Сырымды менің сезбесең сыртыңнан,

Сыртыңнан ғашық, сыртыңнан ғашық, сыртыңнан ғашық болам ба?

Мөлдірей қарар көзіңе айта алмай сырды өзіңе,

Ойлаумен сені аяулым, таусылды бәлкім төзім де.

Жыр менен айтқан шумақтап түсінші жаным сөзіме,

Қолымнан келген бақытты, қолымнан келген бақытты, сыйладым,

Сыйладым жаным, сыйладым жаным, сыйладым жаным өзіңе.