Ол кезде сен бала едің,

Адалдан пәк әлемің,

Көздеріңе мөп-мөлдір,

Ғашық қылған жан едің.

Сен ол кезде бала едің,

Ойын еді әлегің,

Сезген едім сол кезде,

Менде екенін жан емің.

Қайырмасы:

Мен саған бір сыр айтамын,

Ешкім білмесін,

Достарың да шын айтамын,

Естіп жүрмесін.

Мен де саған сыр айтамын,

Жыр әнің болып,

Сені қалай мұңайтамын,

Сыңарың болып.

Сұлуым-ау сәулелім,

Сонша әлсіз жан ба едім?

Бәрін ашық айтуға,

Жетпеген-ай дәрменім.

Сенің сырбаз сырыңның,

Іштей бәрін ұғындым,

Бірақ ашық айта алмай,

Күрмелгені-ай тілімнің.

Қайырмасы

Мөлдір таза бұлағым,

Әппақ еді тым арың,

Жалғыздықтан құтқарған,

Өзің ғана сыңарым.

Таусылмайтын жырымсың,

Балдан тәтті шырынсың,

Шомылдырған нұрына,

Шұғылалы күнімсің.

Қайырмасы

Жақын келіп жаныңа,

Орнатайын бағыңа,

Қорғасындай қорғаныс,

Ақ ұлпадай арыңа.

Жақын келіп жаныңа,

Шуақ бөліп тағы да,

Бір батайық кел жаным,

Шын бақыттың балына.

Қайырмасы