Журналистер – жаңалықтың жаршысы,

Намысым мен рухымның қамшысы.

Жарқыл ой мен тұнығы алтын көмбенің,

Көсемсөз бен даналықтың тамшысы.

Журналистер – ел билігі, айбыным,

Шалқар шабыт жүздіретін айдынын.

Шартарапқа таратса да үндерін,

Артық көрген жанның сұлу байлығын.

Қайырмасы:

Журналистер – ел қамқоры, мақтаным,

Көппен бірге атқызатын ақ таңын.

Халық үні, халық сөзі болуда

Тұрмыстарын жақсартуға басқаның.

Журналистер, журналистер – жаршылар,

Өздеріңмен елдің мұңы аршылар.

Ойың – мұхит, жаның – толқын, жүрегің –

Жағалауды ұрғылаған тамшылар.

Шындықты айтар баспасөздер, арналар,

Бағдарлама, телешоулар, жазбалар.

Тарихи сәт, елдің үні сақталар

Журналистік зерттеу, құнды қазбалар.

Қайырмасы