Таң сәулесі сенің нұрың сияқты,

Құстың үні сенің жырың сияқты.

Тіршіліктің бар бояуы тылсымы,

Оқылмаған сенің сырың сияқты.

Тал қайың да сен сияқты биік тым,

Тәтті ғажап сөздеріңмен ұйыттың.

Түн батқанда ертеңіме елеңдеп,

Түнмен бірге сені күттім сүйіктім!

Қайырмасы:

Мына әлем жырланады сен болып,

Әдемі әуен тыңдалады сен болып.

Махаббаттың ғажабы мен азабын,

Келші күнім көтерейік тең бөліп.

Шөксін таулар аласармас асқарым,

Жүрегімнен мұңымды алып тастадың.

Махаббатсыз нұрсыз сұлу жүзімен,

Қажеті жоқ ұнатқаны басқаның!

Ауам сенсің жұтатұғын бір демде,

Алаңсызбын сен қасымда жүргенде.

Махаббаттың құдіретін қарашы,

Жанарыңнан сәуле көрем күлгенде!

Қайырмасы