Сол ғажап сәтті күнді,

Шырайлы шақты нұрлы,

Ақ қардай пәктігіңді,

Жаным сені әнге қосып жырлап өтейін!

Қара шаш, қара көзің,

Қылықты бал мінезің,

Ғашық боп қалдым өзім.

Аққудай сені аялап бақытты етейін!

Бұлақтай сыңғыр күлкің,

Кетпейді-ау естен шіркін.

Өзіңмен өткен бір күн,

Мен үшін бұл өмірде ең бақытты күн.

Жанымда жүзің жайнап, еркелеп күліп ойнап,

Қызықты бірге тойлап, жүргейсің сен қасымда болып шаттығым!

Шырмалып сезіміңе сенің,

Тапқандаймын жанымның емін.

Айналып сағынышқа кетпей,

Жанымда жүр жарқыным менің!

Көргенше асықтырған,

Өзіңе ғашық қылған.

Махаббат тасып тұрған,

Бұлақтай мөлдір таза ұлы бір сезім.

Бойымда қаным тулап,

Өзіңсіз жүре алмайтын,

Жаным деп жыр арнайтын,

Менің бұл жалындаған бақытты кезім!

Бұлақтай сыңғыр күлкің,

Кетпейді-ау естен шіркін.

Өзіңмен өткен бір күн,

Мен үшін бұл өмірде ең бақытты күн.

Жанымда жүзің жайнап, еркелеп күліп ойнап,

Қызықты бірге тойлап, жүргейсің сен қасымда болып шаттығым!

Шырмалып сезіміңе сенің,

Тапқандаймын жанымның емін.

Айналып сағынышқа кетпей,

Жанымда жүр жарқыным менің!