Ерекше, мен ақшаны сүйетінмін,

Мәз болып, өзімше боп, күлетінмін.

Санамай сол ақшаны, ұстап жүріп,

Өмірді думандатып сүретінмін!

Ақша, ақша, ақша ай!

Жүрдім сені тастамай.

Көптігінен ақшаның,

Басым болды шақшадай!

Жүргенмін, ақшаменен егіздей-ақ,

Сұраса, бердім ғой жоқ, дегізбей ақ!

Ақшаны шашыппын-ау, оңды-солды,

Сол үшін, Құдіреттен жедім таяқ.

Ақша , ақша, ақша ай!

Болды басым шақшадай.

Ақша бітіп, көп достар,

Қашып кетті, масқара ай!

Нарықта шығып тұр ғой жақсы атың,

Ақшасыз шешілмей тұр мәслихатым.

Ұрпақтар өсіп-өнсін, білім алсын,

Дегенде, артар ақша, салтанатың!

Ақша, ақша, ақша ай!

Қайта келдің, тастамай!

Ысыраптан жиренсең,

Болмас басың шақшадай!