Тарихы бар заңымның Әлімсақтан,

Салт-дәстүрін дәріптеп, тәлім тапқан.

Мың тіріліп, мың өлген қазағыма,

Тәуелсіздік жарқырап шамын жаққан.

Қайырмасы:

Еркіндік пен бостандық айбынымыз,

Жарқырасын оңынан ай-күніміз.

Бейбітшілік сақталған елімізде,

Ата заңым – ең құнды байлығымыз.

Бірлігіміз Ата заң, теңдігіміз,

Қазақилық қонақжай кеңдігіміз.

Мамандарға болашақ тегін білім,

Ынтымақты ойлайтын елдігіміз.

Қайырмасы

Бейбітшілік дүниені тербеткенде,

Еңбек еттің жас шақта бейнеттен де,

Жағдайыңды жасайды, Ата заңым,

Кәрілік кеп жеткенде зейнеткерге.

Қайырмасы

Туым көкте, шуақты атар таңым,

Ұмытпаймыз ежелгі баба заңын.

Ана менен баланы қорғау үшін,

Әділдігін орнатқан ата заңым.

Қайырмасы