Жанға жылу тапты, көңіл саябақ,

Армандарым алдан, тұрса аялап.

Тербетемін салып, ғажап әніме,

Ғашықтардың құрған, бағын саялап.

Сыңғырлаған күлкің, нәзік қалпында,

Ұшып келіп қонды, жүрек алқымға.

Жарқын мінез жүзің, бал бұл жайнаған,

Бағалаймын сені, теңеп алтынға.

Қайырмасы:

Еркетайым ғайып, болма алысқа,

Қол созғанда жартың, тұрма қалыспа.

Аялаймын сені, берсең келісім,

Мен дайынмын міне, ұшсаң ғарышқа.

Еркетайым ғайып, болма алысқа,

Қол созғанда жартың, тұрма қалыспа.

Аялаймын сені, аялаймын сені,

Аялаймын сені, әлем ғарышта.

Жүректегі ғашық, теңіз толқыны,

Тасқынып тұр толып, сезім бұл күні.

Қанат бітіп ұшам, дей ме қарашы?

Кел тыңдашы қояр, емес солқылы.

Сөз жетпей тұр көңіл, толған көркіңе,

Селт етпей бір салдың, әбден еркіңе.

Жұлдызың боп жанам, мәңгі жүректе,

Сенші қалқам мінсіз, адал сертіме.

Қайырмасы