Бееееееу, жастар ай!

Хабар көріп жатқам теледидардан,

Сұрақ-жауап  алып жатты ұлдардан.

Жүргізуші: - Айтыңдаршы жігіттер,

Абай жолы романын кім жазған?

– Жабаев, – деп жауап берді қиналмай,

– Мақатаев, – деді бірі, ұялмай.

Естігенде бұл жастардың жауабын,

Есеңгіреп қалдым есті жыя алмай!

Қайырмасы:

Дей алмаймын мына өмірден, сый алдым,

Өз ұрпағын, жамандыққа қияр кім?

Ертең елді басқаратын ұлдардың,

Бүгін берген жауабынан ұялдым!

Жетегінде кетті ме екен, қиялдың,

Қалай ғана жамандыққа қиярмын?

Поэзия пайғамбары Абайды,

Білмегендер үшін қатты ұялдым!

Кінəлаймыз, біздер кеңес уақытын,

Абай жолы болған сонда жақұтым!

Сол кездегі құштарлығы жастардың,

Тек білімнен іздеп тапқан, бақытын!

Қайырмасы

Білімділік талайларды құтқарды,

Сол біліммен, шың басына шыққан-ды!

Ұят болды-ау, білмегені жастардың,

Абай жолын жазған, ұлы Мұхтарды!

Кінəлі кім, заман ба, əлде қоғам ба?

Компьютермен білім берген адамға!

Салт-дəстүрін, өз тарихын білмейтін,

Айналдырдық, сол ұрпақты наданға!

Жəне біздер кінə артамыз заманға?!

Қайырмасы