Жастығымның, естелігі, тартуы,

Саябақта көл бар еді аққулы,

Ғашықтардың табысатын жері бұл,

Қос жүректің лүпілінің гәккуі.

Қайырмасы:

Келуші едік қол ұстасып, сол баққа,

Серттесіп ек, енді бірге болмаққа

Қатар жүзген аққуларға қызығып,

Қараушы едік көз айырмай сол жаққа.

Қоңыр күзде, бір жүрместі түсіндік,

Айдынында көрінбейді тіршілік.

Егіз аққу жүзген еді сол көлде,

Сағымы қап елестейді үнсіздік.

Қайырмасы

Көрсем деген оянғанда тағы үміт,

Көлге келдім қос аққуды сағынып.

Кетіпті олар қонақтамай айдынға,

Қала бердім,мұңнан моншақ тағынып.

Қайырмасы

Ұмытпадым, қанша жылдар өткенмен,

Сағынады естелігін от кеудем,

Құлазыған көңілімді жұбатып,

Қайта оралшы жадыраған көктеммен.

Қайырмасы