Биле, биле, ақ көгершін, айналып,

Қара торда қалмағайсың, байланып.

Көкте самға, ақ жүректі, пәк құсым!

Айналаны жібердің-ау, жайнатып!

Қайырмасы:

Биле, биле, ақ көгершін, аспанда!

Мен биіңе қарап тұрмын тамсана!

Көк жүзінде қаймықпастан, самғай бер!

Әппақ құсым, ештеңеден жасқанба!

Көгершінім,билей түсші, көгімде,

Көңілім бір көтерілсін, менің де!

Қандай сұлу, әппақ нәзік құс едің!

Мен тамсана қарай берем, өзіңе!

Қайырмасы

Шыр айналған биің қандай әдемі!

Жүрегімнің жібіттің ғой, әлемін!

Қолыма қон, бейбіт күннің ақ құсы,

Мен өзіңе тәп-тәтті дән берейін!

Қайырмасы

Биіңменен көгімде күн ойнады!

Жаздай болып, жүрегімде жайнады!

Қолға қонған көгершінім өзімнің,

Лүпілдеген жүрегіңнен айналдым!

Қайырмасы