Достарым бар білектіде белді,

Жабыққанда жанға демеу берді.

Әнге қосып шырқаймын мен сені,

Келші досым тарқатайық шерді.

Достарым көп маған тіреу болар.

Достарым көп үйге келіп қонар.

Дұшпаным жоқ олар алшақ менен,

Адал досым көптігінен болар.

Қайырмасы:

Дос дегенің жоқ қой қазір дейді,

Шын достықты жоққа қалай қиды.

Айбыныңмен абыройың асар,

Дос көңілі доспен ғана сыйлы.

Дос дегенің жоқ қой қазір дейді,

Айтатындар айта берсін мейлі.

Байлықпен басқаменен емес,

Достарменен толтырайық үйді.

Достарменен жие-жие табыс,

Мықты болсаң досы көппен жарыс.

Досы көпті жау алмайды дейді,

Оларменен барар жолың алыс.

Дос дегенде көңіл шіркін кернеп,

Сен олармен биіктейсің өрлеп.

Бар мұңыңды көңіліңді басар,

Сағынышпен кездескенде шөлдеп.

Қайырмасы