Бақытты бол деп, – жайдары менің желегім,

Сүрінбеші, деп анашым, әркез жебедің.

Алладан сұрап, тілеуші едің амандық,

Ана болғанда, түсіндім мұның себебін.

Ана үміті – адастырмайды сенемін,

Ниетіңізді ақ батаңыздан көремін.

Сеніміңізді ақтауға әркез тырысып,

Жүрек ішінде өзіңді сақтап келемін.

Қайырмасы:

Анашым, анашым, анашым, анашым,

Жүрек ішінде өзіңді сақтап келемін!

Жайқалып өскен, шынарға мені теңедің,

Пейілің дарқан, анашым, неткен кең едің?!

Жастық шағыңды есіңе салып жүрдім бе?

Биіктен көрін! – деп мені ылғи  демедің.

Ықыласың бөлек болатын, маған дегенде,

Алғысымды апа-ау, сыр етіп төктім өлеңге.

Ерекше жақсы көретін қызың бүгінде,

Бақытты өмір сүріп жүр мына әлемде!

Қайырмасы:

Анашым, анашым, анашым, анашым,

Бақытты өмір сүріп жүрмін мен әлемде!