Балаларым!

Жік түсіп, суымасын араларың,

Бір-біріңмен тату бол өмір бойы,

Сыйласыңдар келгенінше шамаларың.

Құлындарым!

Дұрыс ғой зейін қойып ұғынғаның,

Өмірден аз болса да айтқым келді,

Сендерге білгенімше бүгін бәрін.

Барым сендер!

Алтын күн, шуақ шашқан таңым сендер.

Бауырдан жақын ешкім табылмайды,

Бір ауыз жылы сөзбен жаныңды емдер.

Қос жанарым!

Менің қос қарашығым, бақ қонарым.

Сендерді ел мақтаса мерейленіп,

Төбем көкке жеткендей боп қаламын.

Шаттанамын!

Қуаныштан жарылуға шақ қаламын.

Мақтанса біреу тасып байлығымен,

Алтындай ұл-қызыммен мақтанамын!.

Мұрагерім!

Жалынып Жаратқаннан сұрап едім.

Жалғасы сендерсіңдер өмірімнің,

Үмітім де сендерсіңдер мына менің.