Бақытты,

Бауырмыз таусылмаған арманы,

Бірлігі-сүйеніші, қорғаны.

Бөленсең абыройға, алғысқа,

Басыңа бақыт құсы қонғаны.

Бақытты,

Бауырмыз бірлігіміз жарасқан,

Талабы таумен бірге таласқан.

Сыйластық, ізгіліктің куәсі,

Көктегі ай мен жұлдыз, көк аспан.

Қайырмасы:

Бауырлар,

Бауырмыз бір әкеден жаралған,

Ананың ақ сүтінен нәр алған.

Шыңдарға жетелесін жолдарың,

Киелі шаңырақтан таралған.

Бауырлар,

Бауырмыз армандаған анашым,

Жанашыр, қамқоршысың, дарасың.

Жүрегің толы болсын мейірімге,

Жалғаған туыстықтың арасын.

Бақытты,

Бауырмыз тілегіміз үндескен,

Өмірдің өлшемімен күн кешкен.

Өмірдің бар қызығы сыйласып,

Қауышып бір-бірімен тілдескен.

Бақытты,

Бауырмыз ажырамас іргеміз,

Күн сайын жүрмесек те бірге біз.

Бір-бірін іздеп тұрар сағынып,

Жүректің жылуымен біргеміз.