Жаңа жылым келген,

Бақыт ала келсін,

Жаңа жауған әппақ ақшақарындай.

Есігімнен енген,

Орындала берсін,

Жылмен бірге жаңа барлық арман-ай.

Жайлы болып лайым

Құт пен ырыс толсын

Кең жазира дархан байтақ жеріме!

Оңнан туып айым

Бақ боп қыдыр қонсын

Берекелі жыл боп қазақ еліме!

Қайырмасы:

Жаңа арайлы таңнан,

Жаңа ән болып салған.

Жаңа үміт пен арман,

Жаңа жыр да, жаңа сыр.

Жаңа шырағын жағып,

Жаңа жұлдызы жарық.

Жаңа күндерін алып,

Жаңа келді жаңа жыл!

Мақсат-мұрат толы,

Көңілменен күткен,

Мол табысын ала келсін жаңа жыл!

Түгенделіп жоғы,

Барша ел-жұрт біткен,

Болашаққа қадам бассын жаңа бір!

Жарып шыққан жүрек,

Ақтарылып тілек,

Сыйлайықшы жақсы ниет жанға нұр.

Аңсаттырып көптен,

Сағындырып жеткен,

Жаңа, жаңа құтты болсын жаңа жыл!

Қайырмасы