Балалық бақ күнім!

Көл-көсір шаттығым,

Ауылым – періште, пәктігім!

Оянған сезімім,

Сенде өскен бір қызың,

Айтады риясыз лебізін.

Көкорай белдерім,

Алаңсыз күндерім,

Жарысқан далада қаңбақпен.

Қуанып гүл тердім,

Жүректен жыр өрдім,

Сағыныш толқыған ырғақпен.

Қайырмасы:

Көңілдің мөлдірін,

Сезімнің түндігін,

Сіңірген бойыма ауылым!

Жанымның сыр-мұңын,

Өмірдің сан қырын,

Ұқтырған алғашқы ауылым!

Аймалап самалың,

Жарқырап жамалым,

Шомылған балалық қиялым!

Қақтырған қанатын,

Үмітті жағатын,

Жерұйық, жаннатым – ауылым!

Қайырмасы

Жүргенде ауылдан жырақ,

Жүректе өшпейтін шырақ.

Өзіне тартатын баурап,

Сағынып ашатын құшақ.

Қайырмасы