От сезім болып лаулаған,

Қыз жүрегін жаулаған,

Зымыраған, заулаған,

Ойдан кетпес күндер-ай, күндер-ай сол.

Жанға жылы сөздерден,

Көңіл күйі өзгерген,

Достарменен көзкөрген,

Ойнап күлген күндер-ай, күндер-ай сол.

Қайырмасы:

Шаттық толы үндер-ай,

Жұлдыз толы түндер-ай, түндер-ай сол.

Тойлап жүрген күндер-ай,

Ойнап күлген күндер-ай, күндер-ай сол.

Ақыл алып анадан,

Нақыл алып данадан,

Бір кетпеген санадан,

Ойлап жүрген күндер-ай, күндер-ай сол.

Жылжып аққан күндер-ай,

Жыр ғып айтқан үндер-ай.

Жұлдыз шашқан түндер-ай,

Сырды ашқан күндер-ай, күндер-ай сол.

Қайырмасы

Ақ кемедей желкенді,

Армандаған ертеңді,

Аймалаған еркеңді,

Ғашық болған күндер-ай, күндер-ай сол.

Басқа қонған бағымдай,

Ең бақытты шағымдай,

Ағып жатқан сағымдай,

Қашық болған күндер-ай, күндер-ай сол.                        

Қайырмасы