Күзден ізде, сен мені күзден ізде,
Адал махаббатымнан күдер үзбе.
Қара жаңбырдан қорқып, желмен ұшқан,
Жапыраққа қалдырған ізден ізде.

Қайырмасы:
Терезеден бір әуен естіледі,
Іздемесін сенен басқа ешкім мені.
Кейде бақыт бірде ерте қуантады,
Мұңайтып ап, кей кезде кеш кіреді,

Жыламасын ешкімнің ет жүрегі.

Қыстан ізде сен мені, қыстан ізде,
Мүмкін қардан табарсың сенбе күзге.
Ақ қардай, әппақ сезім ұстатпайды,
Іздеңіз, кездесеміз біз түбінде.

Қайырмасы

Мүмкін көктем көмегін тигізеді,
Махаббаттың көйлегін кигізеді.
Іздеп мені тауып ал сұранамын,
Маңдайымды сізге әкеп сүйгізеді.

Қайырмасы

Жаздан ізде,таңнан да тамылжыған,
Су түбінен мені ізде, көктен ізде.
Іңкәр сезім көңілді жанмен ұғам,
Алдыңыздан күлімдеп мен де шығам.

Қайырмасы