Жастық шақ жайқаласың иран бақтай дәурен-ай,

Қандай жан аңсамайды албырт шақты-ай.

Есілде еркін дәурен-ай.

Қимайтын ыстық сезім қызған бақтай дәурен-ай,

Қызыққа тоймас күндер сол бір шақтай,

Есілде еркін дәурен-ай.

Қайырмасы:

Есілде еркін дәурен,

Ерке қыз еді-ау сәулең,

Көңілден көшпес көктем,

Арманда өткен дәурен-ай.

Өтсе де солай дәурен,

Арылмай бастан әурең.

Нұр болып ұшқан сәулең,

Қайрылмай кеткен дәурен-ай.

Жетуші ем жорға кермен жел маядай дәурен-ай,

Алдымнан шығушы едің кермаралдай,

Есілдей еркін дәурен-ай.

Ай нұры аймалаған құшағымда дәурен-ай.

Екеуміз түн көрпесін оранғандай,

Есілдей еркін дәурен-ай.

Қайырмасы