Арқада қалған ауыл бар,
Артымда қалған қауым бар.
Сəлем де барсаң ауылға,
Сағынып жүрген жайым бар.
Жоспардан аспай тірлігім,
Абырой бермей бірлігім.
Көрмеген досқа сəлем де,
Көрсетпей көңіл кірбіңін.

Қайырмасы:

Арман да арман арман күн,
Жалған да жалған жалғансың.
Арайлап таңым атқансың,
Байқатпай күнім батқансың.

Қарауыл жаққа қарайлап,
Қалдың ба қартым санаулы.
Ауылда қалған қазынам,
Қарттарым аман саумысың.
Сағындым ауыл адамын,
Бөлексің ерен дарасың.
Кеңпейіл көпшіл көнбіссің,
Көтерген жүгін атаңның.

Қайырмасы

Аңғалдық сырым ауылда,
Балалық күнім ауылда.
Жанымның шипа жұпары,
Жусанның исін сағындым.
Кеңдікті сенен алғанмын,
Кеңжазық жері шалғайдың.
Сабырлық сенен алғанмын,
Салқындау сарғыш маңайым.

Қайырмасы

Арқада қалған ауыл бар,
Артымда қалған қауым бар.
Сəлем де барсаң ауылға,
Сағынып жүрген жайым бар.