№ | Авторлар тізімі | Авторлықтың түрі | ||
Сөзінің авторы | Музыкасының авторы | |||
1 | 2 | 3 | 4 | |
1. | Гүлнар Рақымжанқызы | |||
2. | Әлібек Тойлыбай |
Сонау кездер есте ме,
Дір етер ме жүрегің?
Сен сымбатты жігіт ең,
Мен әдемі қыз едім.
Алма жүздер қызарып,
Абдырайтын түндер-ай,
Тиіп кетсе абайсыз,
Білегіңе білегім.
Сағындың ба сол шақты?
Ал, мен болсам аңсадым.
Маған ғана құмардай,
Ләйлі-ғұмыр, барша мұң.
Бөлінбесе дегенмін,
Жүрегіңнен жүрегім.
Айрылмаса дегенмін,
Саусағыңнан саусағым.
Есіңде ме сол кезгі,
Бәйшешегі көк белдің?
Көк бел жаққа телміріп,
Көп күнімді өткердім.
Сен бозбала күйіңде,
Мен бойжеткен қалпымда,
Қалып кеткен шығармыз,
Тамшысы боп көктемнің.