Ауыл, ауыл, ауылым, ауылым-ай,

Сағындырған желіменен жауынын-ай.

Ақындықтың ауыр жүгін сезбесем де,

Өмір жүгін арқалаудың қиынын-ай.

Күндер, күндер, күндерім күндерім-ай,

Көз ілмеген ұйқысыз түндерім ай.

Санамдағы сел тасқын селт етеді,

Қашан жетеді ғашыққа үндерім-ай. 

Айлар, айлар, айларым, айларым-ай,

Тәуекел деп үмітті жалғадым-ай.

Жан сырымды түсінер адал жанды,

Алыстан да іздесем табармын-ай...

Жылдар, жылдар, жылдарым, жылдарым-ай,

Мырзакенттің жерінде жырладым-ай.

Жамандардан көңілім қалсадағы,

Жақсы жанның ақылын тыңдадым-ай.

Ғасыр, ғасыр, ғасырлар, ғасырларым,

Алаулаған сырымды жасырмадым.

Күйіп, жанып, өртеніп жүрсемдағы,

Тәлкегіне тағдырдың бас имедім.