Мен – нәзікпін, ерке қызбын, еркемін,

Алтын заңның аясында желпіндім.

Қайта келді ата-баба дәстүрі,

Құшағымды қуанышқа толтырдым.

Айбаттымын, қорықпаймын ешкімнен,

Кезім бүгін парасатты ес білген.

Айналайын ата заңым ардақтым,

Жарқырай бер, күндей нұрлы кескінмен.

Қайырмасы:

Мен – еркінмін.

Алтын заңым тұрғанда,

Мен – сұлумын.

Елім сауық құрғанда,

Менің күшім.

Алтын заңның бойыңда,

Көргенім жоқ, тәуелді боп бір жанға!

Мен сүрінсем, заңым сүйеп тұрғызар,

Басын иіп тұрар сонда шың құздар!

Туған тілдің ақ сүтінен нәр алған.

Сымбатымды сірә, менің кім бұзар?!

Мұқатам деп өзеуреген ездерді,

Жала іздеп, ар-ұяттан безгенді.

Тойтарсын деп, өзі тиып жүрсін деп,

Елім шыңдап, маған өткір заң берді!

Қайырмасы