Ауылыңа барғанымда сағынып,

Киіз үйде білте тұрды жағылып.

Сені күтіп, тәтті ойға берілдім,

Жатыр ма деп шолпыларын тағынып...

Қайырмасы:

Сыңғыр-сыңғыр шолпың қалған қолымда,

Күттің бе екен мені күтіп жолыма.

Абайлашы, оянбасын ауылың,

Сыңғырынан шолпылардың тағы да...

Сыңғыр-сыңғыр, шолпыңның сол әнін-ай,

Тал бойыңа берген сұлу сәнін-ай...

Мен отырмын,түн тылсымға бағына,

Кер құлам тұр, құлақ тіктеп жанымда.

Кездесуды бұйыртсыншы, қалқашым,

Бұла жүрек бұлқынады сағына...

Қайырмасы

Сол бір кештер ақ сүйекті іздеген,

Жолықтырар тәтті үмітті үзбегем.

Ай қуалап сені сүйсе аймалап,

Шолпыңның мен, сыңғырымен іздегем...

Қайырмасы