Толқынды өзен, Арыстың сұлу жағасы,

Тарихы терең теміржолшылар қаласы.

Түрленген Арыс, гүлденген Арыс арайлы,

Жайнайды көзің үңіліп өзің қарашы.

Арысым бүкіл қазаққа мәлім атың бар,

Арысты айтып мақтануға да хақым бар.

Ерлігі – ұран, еңбегі – жыр, ән еліме,

Арыстан шыққан белгілі он бір батыр бар.

Қайырмасы:

Арысым – қаланың көркемі,

Арысым – ғаламат ертегі.

Тоғысқан тоғыз жол торабы,

Татулық, достықтың мекені.

Таусылмас тірліктің ғажабы,

Арысым – айрықша ажарлы.

Арысым – жұлдыздар отаны,

Арысым – бақыттың базары.

Көгінде күні жарқырай берсін нұрлана,

Өмірдің гүлі дастаным сенсің жыр қала.

Бірлігі бекем ғажайып мекен Арысым,

Мәңгілік елде жасасын мәңгі гүл қала.

Қайырмасы