Сүйіншілеп аулыңа келдім бүгін-ай,

Әнімді арнап сіздерге

Халқым менің-ай, алтын елім-ай.

Той белгісі пейілдің кеңдігінің-ай,

Қуаныштан тойыңда

Шалқып едім-ай, алтын елім-ай. 

Қайырмасы:

Көңілің нұрға толсын деп,

Ақ тілек оңды болсын деп.

Әнімді шырқап өтейін,

Тойларың құтты болсын деп.

Басыңа бақыт қонсын деп,

Ағайын тұр ғой жол сілтеп.

Батасын беріп ата-ана,

Тойларың құтты болсын, деп.

Күй күмбірлеп, шалқысын әсем әнің-ай,

Кең дастархан басында

Күліп ойна-ай, гүлдей жайна-ай.

Бір ғанибет сөздері асабаның-ай,

Осы тойда, ағайын,

Күліп ойна-ай,  гүлдей жайна-ай.

Қайырмасы

Жүрек соғар дүрсілдеп,

Аталарға бір құрмет.

Аға-іні, қарындас,

Аналарға мың құрмет.

Қайта келмес бұл күн деп,

Қуан, шаттан, жұртым деп.

Қызмет ету сіздерге,

Біздерге де бір міндет,

Тойларың құтты болсын, деп.