Өмірге бағыт берген ұстазым-ай,

Келеді өзіңізге ұқсағым-ай,

Хан апа шәкіртіне шуақ сыйлап.

Білімді сусындатып ақтардың-ай,

Хан апам менің,

Жан апам дедім,

Ұстаздық сенің ғұмырың,

Сағыныш кернеп,

Сананы меңдеп,

Өзіңді іздеп ойлаймыз.

Ұстазым бір өзіңе қарыздармын,

Білемін талай әндер жазылғанын.

Хан апа бар еңбегің мәртебелі,

Өзіңе мақтан тұтып бас ұрамын.

Асылдар туған,

Жаралған нұрдан,

Жүректе тұрар есімің.

Өмірің мақтан,

Еңбегің дастан,

Халықың бар сені сыйлаған.

Ұстазым ерекше дара тұлғаң,

Ақ пейіл махаббаттан жаратылған.

Хан апа шәкіртіне білім арнап,

Мейірім жүрегінде тұнып тұрған.

Жыр туған өлке,

Құлпырған өлкем,

Ардақтап сізді айтармыз.

Киелі тілім,

Ұлылар пірің,

Ұстазым сізді ойлармыз.

Киелі тілім,

Ұлылар пірің,

Хан апам менің ардақты!