Өмір зулап өткенмен,

Ұмыта алмай іздеп жүрмін өзіңді.

Қайта оралмас өтіп кеттің өткелден,

Амал қанша көре алмаймын жүзіңді.

Оралмадың жанардан жас төккенмен,

Қимастықпен үмітім де үзілді.

Саған деген сағынышым өксік боп,

Өзегіме өкініш боп тығылды.

Қайырмасы:

Әкешім, жердесің бе, көктесің бе,

Көзіме көрінбейді елесің де.

Кей күні аласұрып түніменен,

Сені іздеймін көз ілмей сенесің бе.

Сені іздеймін көз ілмей сенесің бе,

Арғы жақтан сен мені көресің бе.

Көзден аққан жасымды көріп тұрсаң,

Тым болмаса бір белгі бересің бе.

Шарасыздан басымнан сипай алмай,

Әлде артымнан көрінбей ересің бе.

Естелік боп өткеннен,

Өтті талай жарқын күндер өзіңмен.

Бүкіл әлем бар шуағын төккенмен,

Бойға жетер күш алушы-ем өзіңнен.

Уақыт сырғып жылдар өтіп кеткенмен,

Сағыныштан жас тамады көзімнен.

Өкініштер сыздағанда өкпемнен,

Жоқтығыңа шыдап келем төзіммен.

Қайырмасы