Ей, қазағым сөз айтайын, құлақ сал!

Табиғатты аялауды ұнатсаң!

Қара жерді күл қоқыстан тазартып,

Мөлдір суды ішкен қандай бұлақтан!

Дейміз біздер, тазалықта ырыс бар!

Біз атқарар міндеттелген жұмыс бар!

Мың жыл жерде жатады екен білсеңіз,

Қоқыстағы көп пластик ыдыстар.

Қайырмасы:

Денсаулығы мықты ұрпақтың бағы бар,

Ойлай білсек дұрыс жолы табылар!

Жер-ананы, зиянкестен сақтайық,

Үндеуімді қазақ халқы қабыл ал!

Елімізде зауыттар көп ашылсын.

Іскер жастар, пайдасына асырсын.

Топырақтың жойылмасын құнары,

Келер ұрпақ табиғатқа бас ұрсын!

Бір қалада миллиондаған адам бар,

Қанша тонна қоқысы бар санаңдар.

Жерімізден не қалады күніге,

Пластикті, жерге көмсек адамдар.

Білесің бе, құрметтеуге кім лайық?

Тазалықты өзімізге сыйлайық!

Ішкен сусын ыдыстарын лақтырмай,

Ұқыпты боп бөлек жерге жинайық!

Қайырмасы