Самға даусым, серпіле,

Сазан, шоқыр, бекіре.

Жүзгендей бойлап айдынды,

Маржан шашып, сілкіне.

Шағала, аққу, үйректер,

Әупілдек, қазбен, ләйлектер,

Әлдилер жаным қамықса,

Ана тілді елім – туған ел.

Қайырмасы:

Пешынойым, Пешыной,

Жырақта өскен кеш ұлың.

Толқындап ән-жыр әлдиле,

Есімін алтын бесігім.

Болсаң да ұлым бірақ та,

Ер жеттің деп жырақта.

Жатырқайсың, жатсынып,

Бара қолсам қонаққа.

Қамыс, қопа, қоғалы,

Ұлы, жылан, бақалы.

Бабама қоныс мекенім,

Қоштасып бер, батаңды.

Қайырмасы

Кәусарың лағыл тағылған,

Махаббат зәм-зәм, бала арман.

Пешыной мен де балаңмын,

Ән-жырдан әлди нәр алған.

Ән-жырын, арман тыңдарым,

Сағыныш сәлем, жолдармын.

Ойыл мен Сағыз, Кең Жылой,

Жайықтың өрін шарлармын.

Қайырмасы